Shahar ichidagi shaharcha
Oʻzbek xalqi hayotida «mahalla» soʻzi oddiygina hududiy birlikdan koʻra kengroq, chuqurroq maʼnoga ega. Bu atama arabcha boʻlib, «oʻrin-joy» maʼnosini bildiradi. Tarixiy jarayonlar davomida turli hududlarda u «mahallot», «guzar», «jamoa», «elat» kabi nomlar bilan ham atalgan. Hozirgi kunda esa u nafaqat maʼmuriy birlik, balki oʻzaro hurmat, hamjihatlik va jamoaviy masʼuliyatning eng yaqqol ifodasidir.
